收藏本站|网站地图|广告联系
 当前位置:竟彩即时赔率 >> 新闻资讯 >> 正文内容

Mic少:白礼顿衝超主场先除根

竟彩即时赔率 www.jdtg1688.com 2017年04月17日 来源:
英冠进入大直路,榜首白礼顿今晚有望迎来歷史性时刻,佢的今仗只要主场赢韦根,再加上第3位哈特斯菲尔德失分,就可以首次升上英超,唔止系一种荣誉,下季更加能够透过英超电视转播及商业赞助,获取近2亿镑(约19亿港元)收入。白礼顿肯定搏老命,绝对唔会放过尾二嘅韦根,直取让球主胜。

英冠只剩下4至5轮联赛,白礼顿、纽卡素已带出,好大机会以前2位直接升上英超,第3至6位球队需要踢附加赛,争夺餘下1个升班席位。白礼顿过去4季有3季喺升班附加赛出局,同英超擦身而过,认真悲情。不过今时唔同往日,白礼顿现时抛离踢少1场嘅哈特斯菲尔德12分,得失球差多哈军31球,升班资格十拿九稳。如果哈特斯菲尔德今晚作客赢唔到打比郡,而白礼顿赢波,更可立即获升班资格。

事实上,白礼顿锐不可当,取得4连胜,包括上仗作客以2比0轻取狼队,近13场主场更加赢左11场,点睇都冇可能失拖。至於对手韦根虽然取得2连胜,但都系主场,而且两战失4球,防线唔稳阵,加上近5场作客4败,试问又点抵挡得住如日中天嘅白礼顿呢?

哈特斯遇打比郡易失分

另一场,哈特斯菲尔德好可能「助攻」白礼顿升班,因為哈军近6次作客打比郡,全败收场,1分都未攞过,睇怕今仗失分机会极高,白礼顿球迷真系可以买定香檳庆祝喇。

相关新闻